Qaraciyər xərçəngi

Qaraciyər-Xərçəngi-1200x674.jpg

Qaraciyər xərçəngi (karsinom)
Qaraciyər xərçəngi demək olar ki hər zaman qaraciyər sirrozunun təməlində inkişaf edir. qaraciyər xərçənginin simptomları qarın nahiyəsinin yuxarı hissəsində ağrı, yorğunluq və iştahsızlıqdır. Ancaq çox şikayətlər yalnız irəliləmiş (gecikmiş) mərhələdə üzə çıxır.
Qaraciyər xərçəngi nədir?
Primer (birincili) qaraciyər xərçəngində qaraciyərdə olan hücrələrdən bədxassəli şiş əmələ gəlir. Onlardan çoxu qaraciyər hüceyrələri xərçəngidir (hepatosellülyar karsinom-HCC). Qaraciyər xərçəngi dedikdə əsasən HCC başa düşülür.
Birincili və ikincili qaraciyər xərçəngi:
Birincili qaraciyər xərçəngi hər zaman qaraciyərin daxilindəki hüceyrələrdən əmələ gəlir. Karsinoma ilə yanaşı primer xərçəngə qaraciyərdəki öd kanalları hüceyrələrindən inkişaf edən öd kanalı xərçəngi və qaraciyərdəki qan damarlarından inkişaf edən angiosarkoma da aiddir.
İkincili qaraciyər xərçəngi qaraciyər metastazıdır ki, bunlar qaraciyər hüceyrələrindən inkişaf etmir. Bu, orqanizmin hər hansı bir yerində inkişaf edən bir şişdəki xərçəng hüceyrələrinin qaraciyərə qan axını ilə girdiyi mənasına gəlir. Xüsusilə mədə-bağırsaq sistemi xərçəngləri ( məsələn, yoğun bağırsaq), süd vəzi və ya ağciyər xərçəngi qaraciyərə metastaz verə bilir. İkincili qaraciyər xərçəngində xəstələrdə qaraciyər simptomları ilə yanaşı gecikmiş mərhələdə olan xərçəngi simptomları aparıcı olur. Qaraciyər metastazına birincili qaraciyər xərçəngindən daha çox rast gəlinir.
Yayılması:
Birincili qaraciyər xərçəngi ən çox cənubda cənubi asiya və afrikada rast gəlinir. Həmçinin son illərdə qərb ölkələrində də bu xəstələrin sayı nəzərə çarpacaq dərəcədə artmışdır. Qaraciyər xərçəngi digər xərçənglərlə müqayisədə nisbətən nadir hesab olunur. Kişilərdə rast gəlmə tezliyi qadınlardan 2 dəfə çoxdur
Simptomları:
Qaraciyər xərçəngi çox zaman gecikmiş dövrdə tapılır, çünki ilkin mərhələdə (başlanğıcda) heç bir simptom ortaya çıxmır. Erkən mərhələdə qaraciyər xərçəngi ultrasəs müayinədə daha tez aşkar oluna bilər. Qaraciyər xərçənginin əlamətləri: sağ və ya orta yuxarı qarın nahiyəsində təzyiq ağrısı, dolğunluq şişkinlik hissi, səbəbi bilinməyən arıqlama, ürəkbulanma, anoreksiya (iştahsızlıq), zəiflik, yorğunluq, səbəbsiz temperaturun qalxması, çox zaman sağ qabırğa altında əllə hiss edilən şişkinlik. Öd boşalmazsa sarılıq yaranar. Qaraciyər öd istehsal edir, bu da öd yollarıyla mədə-bağırsaq traktına çıxır. Qaraciyər və ya öd kanalı xərçəngləri bu çıxışa mane ola bilər və öd toplanar. Belə bir durğunluğunun əlaməti sarılıqdır (ikterus). Əvvəlcə gözün ağlı qişası, daha sonra isə dəri və selikli qişalar saralır. Bundan başqa sidiyin rəngi tündləşir, nəcisin rəngi isə açıqlaşır (hətta ağ rəngdə və ya rəngsiz). Həmçinin öd dəridə qaşınma verir.
Ürəkbulanma, qarında ağrı, iştahasızlıq bir çox xəstəliklərinin səbəbi ola bilər və mütləq şəkildə qaraciyər xərçənginin aparıcı əlamətləri deyildir. Uzunmüddətli şikayətlər varsa, həkimə müraciət olunmalıdır. Yalnız dəqiq müayinələrdən sonra diaqnoz təsdiqlənə bilər. Qaraciyər xərçənginin səbəbləri
Ən sıx görünən qaraciyər karsinoması ,demək olar ki, hər zaman qaraciyər sirrozunun nəticəsidir. Sirroz əksərən alkoqol asılılığı və ya xroniki qaraciyər iltihabı (hepatit) nəticəsində əmələ gəlir. Təxminən hər 10 xəstədən 9-da xərçənglə bərabər sirroz da aşkar olunmuşdur.
Risk faktorları:
Qaraciyər xərçənginin ən əsas risk faktorları xroniki davamlı viral hepatitdir (xüsusən B və C hepatit). İkinci yerdə qaraciyər piylənməsi durur. Bunun da əsas səbəbləri içində alkoqol, şəkərli diabet, ağır dərəcəli piylənmə əsas rol oynayır. Həmçinin rasionda Alfatoksin-B kimi qaraciyəri zədələyən maddələrin çoxluğu (nəmli iqlimdə yetişən taxıl bitkiləri, yer fıstığı, aspergillus flavus zəhərlənməsi), metabolizmin genetik pozğunluğu (məsələn, dəmir depo xəstəliyi-hemoxromatoz, Vilson xəstəliyi), birincili biliar xolangit (xroniki öd kanalları iltihabı), solvent və ya pestisidlər kimi maddələrlə yaranan peşə xəstəlikləri də buna səbəb olur
Diaqnoz:
Qaraciyər xərçəngi şübhəsi varsa, bəzi müayinələr mütləqdir: anamnez( yanaşı xəstəliklər, sirroz üçün risk faktorları), qarının əllə müayinəsi, ultrasəs müayinəsi, kontraslı kompyuter tomoqrafiya və maqnit rezonans tomoqrafiya müayinəsi.
Laborator: həm xərçəngin varlığını təsdiqləmək, həm də qaraciyərin funksiyasını müəyyən etmək üçün vacibdir: hepatit virusları, alfa-fetoprotein (hər zaman xərçəngin varlığını təsdiqləməz).
Əgər diaqnoz təsdiqlənərsə, xərçəngin nə qədər yayıldığını müəyyən etmək üçün daha dərin müayinələr aparılmalıdır. Qastroskopiya, kolonoskopiya xərçəngin ikincili olmasını müəyyən etmək üçün aparılır. Lakin ən dəqiq diaqnoz mikroskop altında anormal qaraciyər hüceyrələrinin histoloji müayinəsi ilə qoyulur. İncə iynə aspirasiyası xərçəng hüceyrələrinin iynə boyunca yayılma riskini daşıdığı üçün çox az hallarda istifadə olunur.
Öd kanallarının xərçənginə şübhə varsa, ERCP (öd yollarının endoskopla müayinəsi) metodundan istifadə oluna bilər. Bu xərçəng zamanı qanda spesifik şiş markeri artır: CA19-9 (hər zaman xərçəngi təsdiqləməz).

Qaraciyər Xərçənginin Müalicəsi:

Qaraciyər xərçəngi üçün müalicənin təyin edilməsi bir çox faktordan asılıdır: şişin ölçüsü, yeri, yayılması, qaraciyərin vəziyyəti, xəstənin yaşı və sağlamlıq vəziyyəti. Son zamanlarda xəstənin fərdi istəkləri də müalicənin seçiminə təsir göstərir.
Qaraciyər karsinoması üçün ən uyğun müalicə metodları bunlardır:
Cərrahi (qaraciyərin bir hissəsinin çıxarılması)
Qaraciyər transplantasiyası
Müxtəlif metodlarla şişin məhvi (1. cərrahi əməliyyat və ya qaraciyər transplantasiyası zamanı şişi kiçiltmək və əməliyyatı asanlaşdırmaq məqsədilə, 2. Palliativ müalicə olaraq)-radiodalğa ablasiyası
Digər metodlar: şişin böyüməsini ləngitmək,: Şişə səbəb olan digər xəstəlikləri müalicə etmək, ağrıkəsici müalicə, tək saylı şişləri çıxartmaq
Tamamlayıcı müalicə-ağrının, xroniki yorğunluğun, assitin (qarında maye), dəri qaşınmasının (sarılıq) müalicəsi və psixoloji dəstək.
Proqnoz:
Əməliyyat olunan qaraciyər xərçəngi xəstələrinin 5 illik yaşam göstəricisi hər 100 xəstədə 20-50-dir (20-50%). Lakin transplantasiyadan sonra bu göstərici 40-70%-ə qədər qalxır.


merkezi_gomruk_festival_290719_02-1200x800.jpg

2019-cu il iyulun 28-də Mərkəzi Gömrük Hospitalında 28 iyul – Dünya Hepatitlə Mübarizə gününə həsr olunmuş tədbir keçirilib.

Trend-in məlumatına görə, tədbirdə Hospitalın Cərrahiyyə və orqan transplantasiyası şöbəsinin müdiri, tibb üzrə fəlsəfə doktoru Mircəlal Kazımi də bu günün əhəmiyyətinə toxunub, hepatitin törətdiyi fəsadları, ona qarşı mübarizə yollarını, bu virusun yayılma səbələrini, həmçinin müaliəsini açıqlayıb.

M.Kazimi bildirib ki, hər il bu günün qeyd olunmasında əsas məqsədlərdən biri hepatit viruslarının bütün dünyada aktual problem olduğunu, xəstələrə, cəmiyyətə nə qədər əngəl yaratdığını ortaya qoymaqdır Əslində bu gün artıq bütün dünyada qeyd olunduğu kimi, Azərbaycanda da Dünya Hepatitlə Mübarizə Günü kimi qeyd olunur. Təbii ki, hepatitlərlə mübarizə hər zaman, hər gün olmalıdır. Bu işlə təkcə tibb müəssələri deyil, həm də cəmiyyət məşğul olmalıdır. Hər il bu tarixin qeyd olunması sanki xatırlatma xarakteri daşıyır: insanlar bilsinlər ki, bu problem nə qədər aktual və ciddidir.

Bütün dünyada olduğu kimi, Azərbaycanda da hepatit B və hepatit C virusundan əziyyət çəkən xəstələrimiz çoxdur. Bu xəstələrin böyük bir əksəriyyəti xroniki hepatit virus daşıyıcılarıdır. Onlar hepatit virus daşıyıcıları olduğu təqdirdə bu xəstələr müəyyən zaman çərçivəisində ən ciddi fəsadlardan birinə səbəb olur. Belə olan anda həmin xəstələr zamanında müalicə edilib araşdırılmalıdır. Xəstələr də buna biganə yanaşmayıb normal müalicə almalıdırlar. Təbii ki, hepatit B virusuna qarşı bütün dünyada illərdir artıq istifadə olunan, həmçinin ölkəmizdə də olan hepatit B əleyhinə peyvəndlər var. İnsanlar, həmçinin, bütün tibb işçiləri daxil olmaq şərti ilə hepatit əleyhinə mütləq peyvənd vurdurmalıdır. Çünki hepatit B əleyhinə peyvənd vurulduğu zaman insanların hepatit B virusuna yoluxma riski 0-a bərabər olur. Peyvənd vurulmadığı halda bu insanlar hepatit B virusuna yoluxur və nəticədə bu, qaraciyər xərçəngi, qaraciyər serrozu kimi ciddi fəsadlara səbəb olur. Hepatit B əleyhinə peyvəndləmə məqsədilə ölkəmizdə uşaqlar doğulduğu zaman doğum evlərində onlara peyvəndin ilk dozası vurulur. Lakin sonrakı dozası bir çox hallarda vurulmur. Biz görürürk ki, valideynlər bu məsələyə qeyri-ciddi yanaşırlar. Yəni növbəti peyvəndləmə prosesinə uşaqları aparmırlar. Hepatit B virusu elə bir virusdur ki, bu nəinki insanların bildiyi qan və cinsi yolla, eyni zamanda ailə içi münasibətlərdə də yoluxa bilir. Hepatit B virusu adi bədən suları, tər, öpüş və məişətdəki digər ünsiyyət vasitəlləri ilə yoluxa bilirlər. Ona görə hepatit B əleyhinə peyvəndlərin vurulması mütləqdir. Bu peyvəndlər vurulduğu zaman xəstələr özlərini ciddi risklərdən qorumuş olurlar.

Təəsüflər olsun ki, hepatit C virusuna qarşı istifadə olunan peyvənd yoxdur. Lakin bu, araşdırma mərhələsindədir.

Hazırda isə hepatit C əleyhinə müalicədə ciddi dəyişikliklər, inkişaf var. Çünki tətbiq olunan dərman preparatları daha keçmişdəki kimi 6 aylıq, 1 illik şəklində deyil, hepatit C-nin 3-6 aylıq dərmanlar vasitəsi ilə tamamilə təmizlənb getmək şansı var. Buna baxmayaraq, hepatit C Hepatit B virusu kimi ciddi bir virusdur ki, o da qaraciyər serrozu və qaraciyər xərçənginə gətirib çıxarıır. Bizim əməliyyat etdiyimiz xəstələrin içərisində təxminən 750-yə yaxın insan orqan transplantasiyası əməliyyatı olunub.

Onların arasında həm böyrək, həm də qaraciyər transplantasiyası etdiyimiz xəstələr var. Qaraciyər transplantasiyası etdiyimiz xəstələrin 52-55 faizi Hepatit B və C virusuna yoluxmuş xəstələrdir. Baxın görün, bu problem nə dərəcədə böyük və aktualdır. Təbii ki, əməliyyatdan sonra xəstələrdə müəyyən suallar yaranır. Xəstələr soruşurlar ki, onlarda bundan sonra hepatit B və C virusuna yoluxma ehtimalı yarana bilərmi? Bu əməliyyatın əhəmiyyəti varmı?

Bəli, bu əməliyyatı etmək vacib və əhəmiyyətlidir. Bu virusların geri qayıdıb orqanı sıradan çıxarma ehtimalı az da olsa, var. Amma hepatit C virusu ilə bağlı qaraciyər serrozu olan xəstələrdə əməliyyatdan qabaqkı müddətdə xüsusi müalicə verilir və bu müalicəinin təsiri altında hepatit C virusu tamamilə təmizləndikdən sonra xəstəyə orqan köçürülür. Hepatit B virusu ilə qaraciyər serrozu olan xəstələrdə isə onlara da eyni qaydada əməliyyatdan sonra xüsusi dərmanlar verilir. Bu dərmanlar 95-97 faiz hallarda hepatit B virusunu təmizləyir və bu xəstələr sağlam insana çevrilirlər. Gələcəkdə həmin insanlara bu virus geri qayıtmır.

Bir qrup xəstələr də var ki, hepatit B virusundan əziyyət çəkdikləri halda onlara əlavə hepatit D virusu da qoşulur. Bu halda da xəstələrə orqan köçürülməsi olar. Bizim xəstələrimiz arasında hepatit D virusuna yoluxmuş insanlar da var. Məsələ burasındadır ki, hepatit B virusunu təmizlədikdə hepatit D virusu da avtomatik təmizlənir və xəstələr sağlam həyata qovuşurlar.

Hepatit B virusuna vurulan peyvəndlər 95% insanların gələcək həyatında onları bu virusdan qorumuş olur.


dr-mircelal-kazimi-044-1200x800.jpg

Ümumilikdə Azərbaycanda indiyədək 500-ə yaxın insana orqan köçürülüb.

AİA.az xəbər verir ki, bunu Trend-ə Səhiyyə Nazirliyinin Transplantologiya işinin təşkili üzrə Əlaqələndirici Şurasının üzvü, Mərkəzi Neftçilər Xəstəxanasının (MNX) Cərrahiyyə və Orqan Transplantasiyası şöbəsinin müdiri, tibb üzrə fəlsəfə doktoru Mircəlal Kazımi deyib.

Onun sözlərinə görə, donorların da sayı nəzərə alınarsa, indiyədək təxminən 1000-ə yaxın xəstə transplantasiya əməliyyatına məruz qalıb.

M.Kazımi qeyd edib ki, 2008-ci ildən bu günə qədər 107 qaraciyər, 346 böyrək transplantasiyası əməliyyatı icra edilib.Azərbaycanda transplantasiya edilənlər arasında uşaqlar olsa da, orta yaşlılar üstünlük təşkil edir.

M.Kazımi qeyd edib ki, qaraciyər transplantasiyası əməliyyatı olunanlar arasında ümumi ölüm göstəricisi 23,3 faizdir: “Amma onların bir çoxu əməliyyatdan 1, 3, 5 il sonra müəyyən səbəblərdən vəfat edib. Xəstələrimizin 11,6 faizi, yəni 12 nəfəri transplantasiya olunduqdan sonra xəstəxanada yatdığı müddətdə dünyasını dəyişib. Dünya statistikasına görə, qaraciyər transplantasiyasından sonra fəsadlaşma və ölüm göstəriciləri təxminən 20-30 faizdir. Azərbaycanda əməliyyatdan sonrakı ilk bir ildə ölüm faizi 11,6 faizdir”.

M.Kazımi qeyd edib ki, böyrək transplantasiyası olan adamlar arasında ölüm göstəricisi 4,7 faizdir.

Onun sözlərinə görə, həmin şəxslərin də hamısı əməliyyatdan sonra dünyasını dəyişənlər deyil.

Şura üzvü əlavə edib ki, indiyədək böyrək transplantasiyası nəticəsində 15 nəfər dünyasını dəyişib: “Bir fakt göstərim. Böyrək transplantasiyası olmuş bir xəstəmiz əməliyyatdan bir neçə il sonra qohumunun toyunda rəqs etdiyi zaman infarktdan dünyasını dəyişib. Amma təəssüf ki, ictimaiyyət bunu “əməliyyat edildi, öldü” kimi qələmə verir. Orqan köçürülmüş insanlar hər zaman dünyasını həmin orqanda yaranan problemlərə görə dəyişmirlər. Onlar müxtəlif səbəblərdən dünyasını dəyişə bilirlər”.

M.Kazıminin sözlərinə görə, ən böyük uğurlardan biri 9 xəstənin qaraciyər və böyrək transplantasiyası olunduqdan sonra dünyaya övlad gətirməsidir: “Orqan çatışmazlığı olan xəstələrdə hormonal balansda da pozulma olur. Onlar nəsilartırma qabiliyyətlərini itirirlər. Amma orqan köçürüldükdən sonra bu qabiliyyətlərini yenidən əldə edirlər”.


dr-mircelal-kazimi-042-1200x674.jpg

Milliyət.az Azxəbərlenti.com-a istinadən xəbər verir ki, bu gün Azərbaycanda 6 yaşlı 8 kiloqramlıq uşağa böyrək köçürülüb.

Mərkəzi Neftçilər Xəstəxanasının Cərrahiyyə və Orqan Transplantasiyası şöbəsinin müdiri Mircəlal Kazıminin aznews.az-a verdiyi məlumata görə, altı yaşlı 8 kiloqramlıq xəstə Sadiq Abdulxaliqov uzun müddət xroniki böyrək çatışmazlığından və inkişaf geriliyindən əziyyət çəkib. Xəstə bir neçə dəfə xarici ölkələrdə müayinə olunub.

M.Kazıminin dediyinə görə, Mərkəzi Neftçilər xəstəxanasının Cərrahiyyə və Orqan transplantasiyasi şöbəsinə müraciət etdikdən sonra azyaşlıya böyrək köçürülməsi məsləhət görülüb:

“Şöbənin həkimləri tərəfindən konsiliumdan və uyğunluq analizlərindən sonra xəstəyə anasından böyrək köçürülməsi qərara alınıb. Bu əməliyyatda standart böyrək köçürülməsi proseduru icra edilmədi. Uşaq inkişafdan çox geri qaldığı üçün xəstənin anasından alınan böyrəyin ölçüləri və eyni zamanda iki kiçik mənfəzli arteriya damarı movcud idi. Buna görə də anasının böyrəyi Sadiqin qarın boşluğuna yerləşdirildi. Kiçik damarlar isə mikrocərrahiyyə ilə tikildi. Əməliyyat uğurla başa şatdı. Bu çəkidə nadir icra olunan böyrək transplantasiyası əməliyyatı Respublikamızda ilk dəfədir ki, həyata keçirildi”.

Donor əməliyyatıni icra edən həkim cərrah Eldar Əhmədov qeyd etdi ki, donor əməliyyati yəni orqanın alınması hal hazırda dünyanin inkishaf etmiş mərkəzlərində olduğu kimi laparoskopik yəni qapalı üsulla həyata keçirildi. Bu üsul əməliyyatdan sonraki müddətdə donorda ağrıların olmamasına, yaranın kiçik və estetik olmasına eləcə də 2-3 günə donorun xəstəxanadan çıxıb normal işinə və evinə qayıtmasına zəmin yaradacaq.

Nefroloq-həkim tibb üzrə fəlsəfə doktoru Elnur Fərəcov belə tip yəni inkişafdan geri qalan və çəkisi çox az olan xəstələrin əməliyyatdan sonraki periodlarının spesifikliyinə diqqət çəkdi. O, qeyd etdi ki, bu xəstələrə əməliyyatdan sonrakı dövrdə orqanın rədd olunmaması ilə mübarizədən əlavə inkişafdan geri qalan orqanizmi də bərpa etmək lazımdır:

“Bu çox mürəkkəb və peşəkarlıq istəyən məqamdır. Bir yandan immunsupressiv dərmanların dozasini, digər tərfdən isə orqanizmi sürətlə inkişafını bərpa etməlisiniz. Yəni metobolizma və dieta ilə də ciddi məşğul olmaq lazım olacaq. Sevinirik ki, bizim körpəyə də faydamız dəydi, onu da əməliyyat edib həyata qaytara bildik”.

Tibb üzrə fəlsəfə doktoru Mircəlal Kazımi onu da qeyd etdi ki, aparılan bu əməliyyat təmənnasız olaraq icra edilib.


Milliyət.az Azxəbərlenti.com-a istinadən xəbər verir ki, bu gün Azərbaycanda 6 yaşlı 8 kiloqramlıq uşağa böyrək köçürülüb.

Mərkəzi Neftçilər Xəstəxanasının Cərrahiyyə və Orqan Transplantasiyası şöbəsinin müdiri Mircəlal Kazıminin aznews.az-a verdiyi məlumata görə, altı yaşlı 8 kiloqramlıq xəstə Sadiq Abdulxaliqov uzun müddət xroniki böyrək çatışmazlığından və inkişaf geriliyindən əziyyət çəkib. Xəstə bir neçə dəfə xarici ölkələrdə müayinə olunub.

M.Kazıminin dediyinə görə, Mərkəzi Neftçilər xəstəxanasının Cərrahiyyə və Orqan transplantasiyasi şöbəsinə müraciət etdikdən sonra azyaşlıya böyrək köçürülməsi məsləhət görülüb:

“Şöbənin həkimləri tərəfindən konsiliumdan və uyğunluq analizlərindən sonra xəstəyə anasından böyrək köçürülməsi qərara alınıb. Bu əməliyyatda standart böyrək köçürülməsi proseduru icra edilmədi. Uşaq inkişafdan çox geri qaldığı üçün xəstənin anasından alınan böyrəyin ölçüləri və eyni zamanda iki kiçik mənfəzli arteriya damarı movcud idi. Buna görə də anasının böyrəyi Sadiqin qarın boşluğuna yerləşdirildi. Kiçik damarlar isə mikrocərrahiyyə ilə tikildi. Əməliyyat uğurla başa şatdı. Bu çəkidə nadir icra olunan böyrək transplantasiyası əməliyyatı Respublikamızda ilk dəfədir ki, həyata keçirildi”.

Donor əməliyyatıni icra edən həkim cərrah Eldar Əhmədov qeyd etdi ki, donor əməliyyati yəni orqanın alınması hal hazırda dünyanin inkishaf etmiş mərkəzlərində olduğu kimi laparoskopik yəni qapalı üsulla həyata keçirildi. Bu üsul əməliyyatdan sonraki müddətdə donorda ağrıların olmamasına, yaranın kiçik və estetik olmasına eləcə də 2-3 günə donorun xəstəxanadan çıxıb normal işinə və evinə qayıtmasına zəmin yaradacaq.

Nefroloq-həkim tibb üzrə fəlsəfə doktoru Elnur Fərəcov belə tip yəni inkişafdan geri qalan və çəkisi çox az olan xəstələrin əməliyyatdan sonraki periodlarının spesifikliyinə diqqət çəkdi. O, qeyd etdi ki, bu xəstələrə əməliyyatdan sonrakı dövrdə orqanın rədd olunmaması ilə mübarizədən əlavə inkişafdan geri qalan orqanizmi də bərpa etmək lazımdır:

“Bu çox mürəkkəb və peşəkarlıq istəyən məqamdır. Bir yandan immunsupressiv dərmanların dozasini, digər tərfdən isə orqanizmi sürətlə inkişafını bərpa etməlisiniz. Yəni metobolizma və dieta ilə də ciddi məşğul olmaq lazım olacaq. Sevinirik ki, bizim körpəyə də faydamız dəydi, onu da əməliyyat edib həyata qaytara bildik”.

Tibb üzrə fəlsəfə doktoru Mircəlal Kazımi onu da qeyd etdi ki, aparılan bu əməliyyat təmənnasız olaraq icra edilib.